Búgin Atyraý oblysy ákiminiń birinshi orynbasary Saǵyndyq Luqpanov oblys aktıvine jumyspen qamtýdy úılestirý jáne áleýmettik baǵdarlamalar basqarmasynyń jańa basshysyn tanystyrdy.
Ol - buǵan deıin Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary qyzmetin atqaryp kelgen Asqar Janahmet.
Saǵyndyq Luqpanov Asqar Janahmettiń jeke sektor men memlekettik organdardaǵy jumys ótilin aıta kele, onyń merıtokratııa qaǵıdatyna sáıkes memlekettik bos jumys ornyna konkýrs nátıjesinde osy laýazymǵa taǵaıyndalǵanyn atap ótti.
Asqar Janahmet qurylys jáne ekonomıka salalarynda eki joǵary bilimi bar. Eńbek jolyn 2006 jyly jeke sektorda menedjerlikten bastaǵan. 2011 jylǵa deıin jeke kompanııanyń bas dırektory boldy. 2012 jyly memlekettik qyzmettegi jumysyn bastap, bas maman, ınspektor, bólim basshysynyń orynbasary, Atyraý oblysy ákimi aparaty basshysynyń orynbasary boldy. 2017 jyldyń 1 tamyzynan bastap oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary qyzmetin atqardy.